Финалда Хабар мен Қазақпарат командалары кездескен. Хабар сапында Әсем Әбдірайымова болған жоқ. Қалған мықтылардың бәрі алаңнан табылды.
Бірінші партияны Хабар сенімді түрде жеңді. Ал екінші кезеңде сәл босаңдық танытып алды. Бұл қателікті Қазақпарат кешірген жоқ. Сөйтіп, таразы басы теңесті.
Ал үшінші кезеңде Хабар 9:4-ке дейін алға шыққан. Бірақ одан кейін білгендерінен жаңылып, жоқ жерден ұпай жоғалтып жатты. Сөйтіп, Волейболдан БАҚ өкілдері арасындағы BAQ liga-ның алғашқы маусымы Қазақпарат командасы чемпион атанды.
Алғашқы жеңімпазды ұйымдастыру комитеті атынан шын жүректен құттықтаймыз!
Хабар командасы екінші орын алса, үшінші орын Qazaq radiolary ұжымына бұйырды. Олар қола жүлде үшін тарыста Qazaqstan TV командасынан екі партияда басым түсті.
Сондай-ақ бүгін 5-8 орындардың жеңімпаздары анықталды. Ол туралы толығырақ жазатын боламыз.
Одан бөлек, марқұм Нұртілеу Иманғалиұлының достары мен журналистер құрамасы жолдастық кездесу өткізді. Бұл ойында 3 партияға дейін жалғасып, оның үшеуінде де Нұртілеу Иманғалиұлының достары жеңіске жетті.
