Журналистер біріншілігінің «В» лигасында үздік атанудан үмітті ойыншылар іріктелді. Енді олардың тағдыры командалардың қолында.
BAQ league Ұйымдастыру комитеті маусым қорытындысы бойынша дәстүрлі түрде бес жекелей номинацияның үздіктерін марапаттайды. Оның төртеуі команда капитандары мен вице-капитандары/жетекшілерінің дауыс берулері нәтижесінде анықталады.
Естеріңізге сала кетейік, Ұйымдастыру комитеті «Үздік қақпашы», «Үздік қорғаушы», «Үздік шабуылшы» және «Үздік ойыншы» номинациялары бойынша үміткерлерді іріктеп, оларды командаларға ұсынған. Сауалнама ережесіне сәйкес, дауыс берушілер әр позиция бойынша үздік үш ойыншыдан таңдайды. Бірінші орынға қойылған ойыншы үш ұпай, екінші орынға екі ұпай және үшінші орынға бір ұпай беріледі. Ең көп ұпай жинағаны өз шебінің үздігі атанады. Дауыс берушілер өз командасының ойыншысына дауыс бере алмайды.
Үздіктер 23 қыркүйек күні BAQ league-ның жабылу рәсімінде марапатталады.
