«А» лигасы. Чемпиондықтың тағдыры шешіліп қойды ма?

0
170
Want create site? Find Free WordPress Themes and plugins.

Кеше Журналистер біріншілігінде «А» лигасының 7-ші тур ойындары өтіп, үш кездесудің екеуі тең аяқталды.

Турдың орталық кездеуінде ЦАИ МИК РК мен «Егемен Қазақстан» командалары кездескен. Әу баста чемпиондықтан басты үміткер саналған қос команда қазір 2-ші орын үшін таласуда. Ал ойынды «егемендіктер» қарқынды бастады. 6-шы минутта-ақ есеп ашқан Еркебұлан Жомарт араға тағы сонша уақыт салып, таблодағы көрсеткішті 2:0-ге жеткізді. Ал одан кейін қорғанысқа көңіл бөлуге тырысып, министрлік қызметкерлерінің шабуылдарына төтеп беруге тырысты. Бірақ, соңына қарай шаршап қалып, Абдулла Төкеновтің екі голын өткізіп алды. Есеп 2:2, бұл жеңіс екі команданы да қанағаттандырмады.

«Спорт 59» бен «Асыл арна» арасындағы матч та тартысты өтіп, командалар бір-бірінің қақпасына үш голдан соқты. Бірінші таймда телеарна жігіттері 2 гол соғып алғаннан кейін тізгінді қарсыластарының қолына беріп қойған тәрізді. Үзілістен кейін қарқындарын тіптен күшейтіп, есепте алға шығуға дейін барды. Алайда, жеңісті ұстап тұра алған жоқ. Есеп 3:3.

«Хабар» мен «Қазмедиа» арасындағы матч та тартысты өтеді деп күткенбіз. Бірінші айналымда 1:7 есебімен ойсырай жеңілгеннен кейін «қазмедиалықтар» қорытынды шығарған болар деп те ойладық. Бірақ, «сол жартас» екен, еш қарсылық көрсете алмады.  Есеп – 5:0, Нұрсұлтан Қабылбек әдеттегідей хет-трик авторы атанса, Бимухамед Букеев пен Шыңғыс Ерғалиев бір-бір голдан соғып, «Қазмедиа» қақпасын шұрқ тесік қылды.

Осылайша 7 турдан кейін «Хабар» 17 ұпаймен басты бәсекелесі ЦАИ МИК РК командасынан 6 ұпайға ұзап кетті. Енді бір жеңіс болса, чемпиондықты біржола рәсімдейді.

«А» лигасының турнир кестесімен мына сілтеме бойынша танысуға болады.

Did you find apk for android? You can find new Free Android Games and apps.

LEAVE A REPLY

Please enter your comment!
Please enter your name here